Tengslanet austfirskra kvenna - T.A.K. - eru samtök kvenna á Austurlandi. Hlutverk þess er að sameina konur á Austurlandi, efla samstöðu þeirra, þekkingu og samstarf. Með samtakamætti T.A.K. er unnt að styrkja hagsmuni kvenna og efla konur persónulega og á hverjum þeim vettvangi sem þær kjósa, eða hafa kosið að hasla sér völl. Skráið ykkur í T.A.K og takið þátt í skemmtilegum félagsskap ! Allar konur velkomnar!
Opinn fundur um jafnréttismál
TAK vill benda á opinn fund um jafnréttismál sem Jafnréttisstofa stendur fyrir hjá Austurbrú, Búðareyri 1 (Fróðleiksmolanum) 13. nóvember nk.
Hvað er að gerast í jafnréttismálum á austurlandi?
Jafnréttisstofa sækir Austurland heim og heldur opna fundi um jafnréttismál
Fjarðabyggð – þriðjudaginn 13. nóvember 2012 kl. 16-17:30
Austurbrú, Búðareyri 1 (Fróðleiksmolinn) á Reyðarfirði
Staða jafnréttismála á Íslandi
Jafnréttisstofa mun kynna stöðu og þróun jafnréttismála á Íslandi. Farið verður yfir helstu atriði jafnréttislaga og rætt um tengsl þeirra við réttindi einstaklinga og skyldur sveitarfélaga og annarra aðila á vinnumarkaði.
Markmið fundarins er að auka þekkingu á jafnréttismálum og kynna aðferðir sem notaðar eru til að koma á jafnrétti. Það sýnir sig að í fyrirtækjum og stofnunum sem hafa virka jafnréttisstefnu er betri starfsandi, rekstur og árangur.
Allir velkomnir
Jafnréttisstofa