Tengslanet austfirskra kvenna - T.A.K. - eru samtök kvenna á Austurlandi. Hlutverk þess er að sameina konur á Austurlandi, efla samstöðu þeirra, þekkingu og samstarf. Með samtakamætti T.A.K. er unnt að styrkja hagsmuni kvenna og efla konur persónulega og á hverjum þeim vettvangi sem þær kjósa, eða hafa kosið að hasla sér völl. Skráið ykkur í T.A.K og takið þátt í skemmtilegum félagsskap ! Allar konur velkomnar!
TAK-konur
Sigríður Bragadóttir - TAK kona mánaðarins
Kona októbermánaðar hjá Tengslaneti austfirskra kvenna (TAK) er Sigríður Bragadóttir sauðfjár- og ferðaþjónustubóndi. Kona mánaðarins hjá TAK er valin er af handahófi hverju sinni úr félagaskrá.
Við hvað starfar þú? Er sauðfjár- og ferðaþjónustu bóndi.
Hver er menntun þín? Tvö ár í VÍ og skóli lífsins.
Hvað skiptir mestu máli í þínu lífi? Fjölskylda mín og góð heilsa.
Hvað finnst þér skemmtilegast að gera? Ferðast
Hver er uppáhaldsstaðurinn þinn á Austurlandi? Ætli það sé ekki torfan sem ég bý á!
Hvaða málefni á að setja í forgang á Austurlandi? Háhraðanet með ljósleiðara, samgöngumál, ferðamál, nýta Egilsstaðaflugvöll fyrir ferðaþjónustuna.
Hvaða bók er á náttborðinu hjá þér? Múlaþing
Hvað vilt þú sjá á dagskránni hjá TAK? Á erfitt með að tjá mig um það. Hef lítið getað verið með sökum fjarlægðar og hef þar af leiðandi ekki fylgst nógu vel með dagskránni.