Viltu þú taka þátt í Viðhorfskönnun um Tengslanet Austfirskra kvenna ?  Könnunin er nafnlaus og þú þarft ekki að vera félagi í TAK til að taka þátt.

Niðurstaðan verður kynnt á aðalfundi TAK 25. maí 2011.

Smelltu hér ef þú vilt taka þátt

Tengslanet austfirskra kvenna, TAK eru  samtök kvenna á Austurlandi. Hlutverk þeirra er að sameina konur á Austurlandi, efla samstöðu þeirra, þekkingu og samstarf.

Með samtakamætti TAK er unnt að styrkja hagsmuni kvenna og efla konur persónulega og á hverjum þeim vettvangi sem þær kjósa, eða hafa kosið að hasla sér völl.

TAK mun beita sér fyrir því að hvetja konur til áræðni, frumkvöðlastarfs og samfélags- og stjórnmálaþátttöku á opinberum vettvangi.

TAK hefur að markmiði að auka sýnileika og tækifæri kvenna, hvort sem er á persónulegum eða opinberum vettvangi og einnig að stuðla að virðingu og verðskuldaðri athygli samfélagsins á framlagi kvenna.

Starfsemi TAK

• Vefur TAK með upplýsingum um félagið og það sem er á döfinni, kynningu á félagskonum og vefumræðum þeirra á milli. Að auki ýmiss fróðleikur sem nýst getur félagskonum.
• Reglulegir fundir yfir vetrarmánuðina, þar sem málefni tengd TAK eru til umfjöllunar.
• Framboð á áhugaverðum ráðstefnum, fyrirlestrum og námskeiðum sem nýst geta konum á Austurlandi til menntunar og upplýsinga.
• TAK velur árlega aðila (einstakling, félag eða stofnun) sem skarað hefur fram úr í störfum sínum í þágu kvenna og veitir þeim viðurkenningu á aðalfundi.

Árgjald í TAK verður 3.000 kr auk 250 kr seðilgjalds